Танд тусалъя

Та банкны https://www.tdbm.mn/mn пэйж хуудасны https://www.tdbm.mn/mn/news/internet-bankny-ayuulguy-baydal линкээр хандан дэлгэрэнгүй зөвлөмжүүдтэй танилцана уу.

Хэрэв таны бүртгэлтэй и-мэйл хаяг өөрчлөгдсөн бол [email protected] хаягт өөрийн ашиглаж буй и-мэйл хаягаас мэдээлэл шинэчлүүлэх тухай хүсэлтийг илгээх боломжтой ба мөн өөрт ойр байрлах дурын салбарт хүчин төгөлдөр иргэний үнэмлэх, эсвэл гадаад пасспорттай хандах боломжтой. 

Та харилцагчдад мэдээлэл зөвлөгөө хүргэх банкны лавлах утас 18001977 дугаарт, харин гадаадад байгаа бол (976) 70161988 дугаар болон [email protected] цахим хаягт хандан мэдээллээ шалгуулах болон өөрт ойр байрлах дурын салбарт хүчин төгөлдөр иргэний үнэмлэх, эсвэл гадаад пасспорттай хандан шалгуулах боломжтойгоос гадна өөрийн нэврэх нэрийг солиулах боломжтой.
 

Та Ти Ди Би Онлайн үйлчилгээний өөрийн эрхээр нэвтэрч Данс->Дансны тохиргоо->Ашиглахгүй байгаа->Данс сонгох->"Хуулга харах, Гүйлгээ хийх, Хураамж төлөх" гэсэн сонголтуудыг чеклэст хийж->Үргэлжлүүлэх дарснаар таны "Ашиглаж байгаа" дансанд нэмэгдэх юм. 

Хэрвээ таны ашиглахгүй байгаа данс нь нэмэгдэхгүй, "Гарын үсэг бүртгэлгүй байна" гэсэн алдаа өгч байвал банкны [email protected] цахим хаягт банканд бүртгэлтэй и-мэйл хаягнаас хандан хүсэлтээ илгээх, эсвэл өөрт ойр байрлах дурын салбарт хүчин төгөлдөр иргэний үнэмлэх, эсвэл гадаад пасспорттай хандан дансаа нэмүүлэх боломжтой.

ОТР аппликейшнээ Playstore болон Аpp Store-с утсандаа татаж суулгаад тохиргоог хийнэ. Уг тохиргоог хийхэд Сериал дугаар болон Идэвхжүүлэх код гэсэн 2 мэдээлэл оруулах хэрэгтэй.
ОТР TDB программ руу хандан Тохиргоо->Сериал->Шинэ гэж сонгон сериал дугаар, идэвхижүүлэх код, тайлбар(нэр өгөх) талбарыг бөглөн хадгалах товчийг дарна.
Цагийн тохиргоог Тохиргоо->Цаг->Автоматаар гэж тохируулна.
Хэрэв сериал дугаараа мартсан бол харилцагчдад мэдээлэл зөвлөгөө хүргэх банкны лавлах утас 18001977 дугаарт холбогдох, мөн [email protected] хаягт хандан авах боломжтой. 
Идэвхижүүлэх кодоо мартсан бол Ти Ди Би Онлайн үйлчилгээнд өөрийн эрхээр нэвтэрч ороод зүүн дээд буланд байрлан хөндлөн гурван зураас дээр дарж->Хэрэглэгчийн булан->OTP идэвхижүүлэх код илгээх хэсэгт хандан банканд бүртгэлтэй дугаар болон имэйл хаягт идэвхжүүлэх кодоо авах боломжтой.

ОТР аппликейшн нь нэг удаагийн нууц үг үүсгэгч аппликейшн бөгөөд Ти Ди Би Онлайн плас үйлчилгээгээр 5 сая төгрөгөөс дээш дүнтэй гүйлгээ хийх үед ашиглагддаг. Гүйлгээ хийх үед ОТР Мобайл гэж гарч ирсэн талбар дээр гар утсан дээр суулгасан ОТР аппликейшнаасаа гүйлгээ хийх нууц үг үүсгэж авна. ОТР-д нэг удаа үүсгэгдэж буй нууц үг нь 36 секундийн хугацаатай.

Та ТиДиБи Онлайн үйлчилгээний Нүүр –> Төлбөр -> Нэгж цэнэглэх цэсэд хандан Мобиком, Юнител, Скайтел, Жи-мобайл үүрэн телефонуудын аль нэгийг сонгоно. Нэгжийн төрөл, утасны дугаар, төлбөр төлөх данс, гүйлгээний утгыг оруулж мэдээллүүдийг шалган төлбөр хийгдэнэ.

Шинээр билл төлбөр бүртгэхдээ  Нүүр –>Төлбөр цэсэд хандан “Билл бүртгэх” товчийг дарснаар билл төлбөрүүдээс сонгон харгалзах мэдээллийг оруулна. Ингэснээр таны билл төлбөр бүртгэгдэж  “Бүртгэсэн билл төлбөр”-ийн жагсаалтад нэмэгдэнэ. “Бүртгэсэн билл төлбөр” цэсээс өөрийн төлөх билл төлбөрийг сонгон гүйлгээний дүн, шилжүүлэх дансыг сонгож “Үргэлжлүүлэх” товчийг дарснаар таны билл төлбөр төлөгдөж и-баримт нь таны бүртгэлтэй и-мэйл хаягаар илгээгдэнэ.

Та ТиДиБи Онлайн үйлчилгээний “Бэлэн мөнгө авах ” цэсээр нэвтэрч гүйлгээний дүн оруулан гарсан QR кодоо АТМ дээрх бэлэн мөнгө хүлээн авах хэсгийн дээд талд байршуулснаар хүлээн авах боломжтой байна.

Та харилцагчдад мэдээлэл зөвлөгөө хүргэх банкны лавлах утас 18001977 дугаарт, харин гадаадад байгаа бол (976) 70161988 дугаар болон [email protected] цахим хаягт хандан мэдээллээ шалгуулж зөвлөгөө авна уу.

Ти Ди Би Онлайн үйлчилгээ нь дараах 4 төрлийн багцын сонголттой. Үүнд:
Online – Өдрийн гүйлгээний лимит 10 сая төгрөг
Online Plus - Өдрийн гүйлгээний лимит 50 сая төгрөг
Online Premium - Өдрийн гүйлгээний лимит 500 сая төгрөг   
Таныг гүйлгээ хийхэд "Танд энэ үйлдлийг хийх эрх олгогдоогүй байна" гэсэн алдаа гарч байгаа бол та гүйлгээний эрхгүй буюу TDB Online Info багц буюу хуулга харах эрхтэй багц ашиглаж байна гэсэн үг юм. Тиймээс та гүйлгээ хийх эрхтэй бусад багцуудаас сонгон үйлчилгээ авахыг хүсвэл харилцагчдад мэдээлэл зөвлөгөө хүргэх банкны лавлах утас 18001977 дугаарт, харин гадаадад байгаа бол (976) 70161988 дугаар болон [email protected] цахим хаягт банканд бүртгэлтэй дугаар болон и-мэйл хаягнаас хандан зайнаас бүртгүүлэх боломжтой эсэхийг шалгуулж болох ба мөн өөрт ойр байрлах дурын салбарт хүчин төгөлдөр иргэний үнэмлэх, эсвэл гадаад пасспорттай хандан бүртгүүлэх боломжтой.

Та Ти Ди Би Онлайн үйлчилгээний нэвтрэх нууц үгээ мартсан бол Нууц үг мартсан->Нууц үг сэргээх хэсэгт хандан сэргээн авах боломжтой. Үүний тулд хэрэглэгчийн нэр хэсэгт нэвтрэх нэрээ оруулаад->Үргэлжлүүлэх->үйлчилгээнд бүртгэлтэй и-мэйл хаяг болон зурган кодыг оруулаад->Үргэлжлүүлэх товчийг дарна уу.
Дараа нь тухайн цонхоо хаалгүйгээр и-мэйл хаягаар ирсэн идэвхжүүлэх код 6 оронтой тоог оруулан->Сэргээх товчийг дарснаар таны бүртгэлтэй гар утсанд шинэ нууц үг илгээгдэх болно. Хэрэв зайнаас өөрөө нууц үгээ сэргээн авах боломжгүй бол банкны [email protected] цахим хаягт банканд бүртгэлтэй и-мэйл хаягнаас хандан хүсэлтээ илгээх боломжтой ба мөн өөрт ойр байрлах дурын салбарт хүчин төгөлдөр иргэний үнэмлэх, эсвэл гадаад пасспорттай хандан сэргээн авах боломжтой.

Та Ти Ди Би Онлайн үйлчилгээний нэвтрэх нууц үгээ блоклосон бол Нууц үг мартсан->Нууц үгийн блок гаргах хэсэгт хандан блокоо гаргах боломжтой. Үүний тулд хэрэглэгчийн нэр хэсэгт нэвтрэх нэрээ оруулаад->Үргэлжлүүлэх->үйлчилгээнд бүртгэлтэй и-мэйл хаяг болон зурган кодыг оруулаад->Үргэлжлүүлэх товчийг дарна уу.
Дараа нь тухайн цонхоо хаалгүйгээр и-мэйл хаягаар ирсэн идэвхжүүлэх код 6 оронтой тоог оруулан->Блок гаргах товчийг дарснаар та сүүлд амжилттай нэвтэрч байсан нууц үгээрээ дахин хандах боломжтой болох юм. Хэрэв та зайнаас өөрөө нууц үгийн блокийг гаргах боломжгүй бол харилцагчдад мэдээлэл зөвлөгөө хүргэх банкны лавлах утас 18001977 дугаарт, харин гадаадад байгаа бол (976) 70161988 дугаар болон [email protected] цахим хаягт банканд бүртгэлтэй дугаар болон и-мэйл хаягнаас хандах боломжтой ба мөн өөрт ойр байрлах дурын салбарт хүчин төгөлдөр иргэний үнэмлэх, эсвэл гадаад пасспорттай хандан сэргээн авах боломжтой.