Монгол улсын банкуудаас хамгийн өргөн гадаад харилцаа, дэлхийн жишигт нийцсэн гадаад худалдааны бүтээгдэхүүн, үйлчилгээгээр онцгойрон ялгардаг өндөр туршлагатай Худалдаа, хөгжлийн банкийг олон улсын банк, санхүүгийн байгууллагууд дахин итгэл хүлээлгэж, “Монгол улсын худалдааны санхүүжилтийн шилдэг банк” гэдгийг хүлээн зөвшөөрч, 2 дахь удаагаа шилдэгээр шалгарууллаа.  

Энэ оны 8 дугаар сарын 24-ний өдөр Макао дахь Four Season зочид буудалд Азийн санхүүгийн шилдэг сэтгүүл болох Finance Asia сэтгүүлээс зохион байгуулсан улс орны банк санхүүгийн сектор дахь шилдгүүдийг шалгаруулах шагнал гардуулах ёслолын үйл ажиллагаа болж өнгөрлөө.

Тус байгууллагын “Жижиг дунд үйлдвэрийг хөгжүүлэх, байгаль орчныг хамгаалах” 2 үе шат бүхий зээлийн төсөлд дамжуулан зээлдүүлэгчээр Монголын 7 арилжааны банк ажиллаж байгаа ба уг төслийн 2 дахь шатны эх үүсвэрээс ХХБ 16 тэрбум төгрөгийн зээлийг олгож, нийт олгосон зээл буюу зээлийн ашиглалтаараа тэргүүлсэн тул энэхүү шагналыг олголоо.

Монгол Улсад Нийгмийн даатгалын алба үүсч хөгжсөний 70 жилийн ойг тохиолдуулан зах зээлд тэргүүлэгч Худалдаа, хөгжлийн банкийг нийгмийн даатгалын хуулиар хүлээсэн үүргээ нэр төртэй биелүүлж ажилтныхаа нийгмийн баталгааг хангахад оруулж буй хувь нэмрийг нь онцолж "Шилдэг шимтгэл төлөгч"-өөр шалгаруулсан байна. Энэхүү шалгаруулалтыг Нийгмийн даатгалын ерөнхий газар, Монголын ажил олгогч эздийн нэгдсэн холбоо, Монголын үйлдвэрчний эвлэлүүдийн холбоотой хамтран зохион байгуулсан юм.

Улс тунхагласны  87 жилийн ойг угтан "The Mongolian Mining Journal" сэтгүүлийн газраас Уул уурхайн салбарын оны шилдэг үйл ажиллагааг олон нийтэд зарлан таниулах зорилготой "Mining Journal Awards 2011" ёслолыг хоёр дахь жилдээ зохион байгууллаа.

Энэхүү арга хэмжээгээр нийт 5 номинациар шилдгийн шилдэг байгууллагуудыг тодруулснаас “Уул уурхайг дэмжигч байгууллага” шагналыг Худалдаа хөгжлийн банк хүртлээ. 

2011 оны 10-р сарын 10-нд Засгийн газрын хэрэгжүүлэгч агентлаг Гадаадын хөрөнгө оруулалтын газрын 15 жилийн ойн арга хэмжээ боллоо. Баярын үйл ажиллагааны үеэр Засгийн газрын хэрэгжүүлэгч агентлаг Гадаадын хөрөнгө оруулалтын газраас ХХБ-нд  “ХӨРӨНГӨ ОРУУЛАЛТЫН ЭЛЧ” гэх эрхэм хүндтэй шагналыг гардуулсан юм.

Олон улсын худалдааны мэдээ мэдээллийг нийтэлдэг Дэлхийн худалдааны тойм сэтгүүлээс энэ жил улс улсын шилдэг худалдааны санхүүжилт үзүүлэгч банкуудыг шалгаруулах “Азийн худалдааны тэргүүлэгчид 2011” шалгаруулалт явагдсан байна. Энэхүү шалгаруултанд нийт 26 орны шилдэг банкууд шалгарсан бөгөөд Монгол улсаас Худалдаа, хөгжлийн банк шалгарч, 2011 оны Монгол улсын шилдэг худалдааны санхүүжилт үзүүлэгч банк хэмээх шагналыг хүртлээ.

Худалдаа, хєгжлийн банк дэлхийн єнцєг булан бvрт 100 гаруй банк санхvvгийн байгууллагаар дамжуулан 14 тєрлийн валютаар харилцагчдын гадаад тєлбєр тооцоо, санхvvгийн гvйлгээг тvргэн шуурхай, найдвартай гvйцэтгэн, Монгол улсыг дэлхийтэй холбох санхvvгийн гvvр болон ажилласаар ирсэн билээ.

Монголын Санхүүгийн зах зээлийн холбоо, Thomson Reuters агентлагтай хамтран UBIBOR хүү буюу Улаанбаатарын банк хоорондын захын дундаж хүүг олон улсын санхүүгийн зах зээл дээр 2007 оноос эхлэн түгээж эхэлсэн билээ. Дээрх байгууллагууд энэхүү үйл ажиллагааныхаа хүрээнд суурь хүүгээ байнга тогтмол мэдээллэдэг Монголын 14 арилжааны банкуудаас шилдэг арилжааны банкыг шалгаруулан өнгөрсөн долоо хоногт дүнгээ гаргажээ.

Үндэсний татварын албанаас Худалдаа, хөгжлийн банканд “НАЙДВАРТАЙ ТАТВАР ТӨЛӨГЧ” гэрчилгээг олголоо. Монгол Улсад мөрдөгдөж буй татварын хууль тогтоомжийг чин шудрагаар мөрдөн ажиллаж, төсвийн орлогыг бүрдүүлэхэд ихээхэн хувь нэмэр оруулан ажилладаг байгууллагад тус шагналыг олгодог.