Худалдаа, хөгжлийн банк “Евро-Азийн Банк Санхүүгийн Холбоо”-ны “Standard of Stability” буюу “Тогтвортой Санхүүжилтийн Стандарт”-ыг хэрэгжүүлэгч ШИЛДЭГ БАНК шагналыг хүртлээ.

Бид тогтвортой санхүүжилтийн хөтөлбөрийг хэрэгжүүлэхдээ нийт банкны ажилтнуудаа сургах, байгаль орчин, нийгмийн эрсдэлийн шинжээч нарыг бэлтгэж мэргэшүүлэх, харилцагчдадаа байгаль орчин, нийгмийн хариуцлагын талаарх зөв ойлголт өгөхийг эрмэлзэж ирснээ дуулгахад таатай байна.

Их Британийн “Global banking & finance review” буюу “Олон улсын банк санхүүгийн тойм” байгууллагаас жил бүр шалгаруулдаг дэлхийн банк, санхүүгийн салбарын шилдгүүд тодорч, Худалдаа, хөгжлийн банк 2018 оны “Монгол улсын шилдэг арилжааны банк”-аар 6 дахь жилдээ дахин шалгарлаа. Global banking & finance review awards нь дэлхийн өнцөг булан бүрт байгаа банк, санхүүгийн байгууллагуудын дунд байнгын тасралтгүй судалгаа шинжилгээг явуулж, даяаршсан нийгмийн тив бүрд адил тэгш үйлчлэхийг зорьдог онцлог, нэр хүндтэй шалгаруулалт юм.

Олон улсын Visa International байгууллагаас 2017 оны "Бүтээгдэхүүний Шилдэг Инноваци" шагналыг ХХБ-ны бүтээгдэхүүн болох payWave технологи бүхий Алтан Кредит картад өглөө.

Азийн банк, санхүү болон хөрөнгө оруулагчдын тэргүүлэх сэтгүүл болох “FinanceAsia” нь 20-н жилийн ойн баярын хүрээндээ Platinum Awards буюу санхүүгийн салбарын шилдгүүдийг шалгаруулах ёслолын арга хэмжээ 2016 оны 10-р сарын 13-ны өдөр Хонгконг хотноо зохион байгууллагдаж Худалдаа, хөгжлийн банк зах зээлдээ тэргүүлэгчээр өргөмжлөгдөн “Монгол Улсын Шилдэг Банк” шагналыг хүртлээ. Энэхүү шагналын эздийг тодруулахдаа сүүлийн 20-н жилийн санхүүгийн үзүүлэлтүүдийг үндэслэсэн байна.

Худалдаа, хөгжлийн банк (ХХБанк) нь 2016 оны 9 дүгээр сарын 7-ны өдөр Сингапур хотноо зохиогдсон GTR Asia Trade and Treasury Week 2016 арга хэмжээний үеэр Азийн хөгжлийн банкны худалдааны санхүүжилтийг дэмжих хөтөлбөрийн шилдэг банкаар шалгарч, “Leading Partner bank in Mongolia" буюу “Монгол дахь тэргүүлэх хамтрагч банк” шагналыг гардан авлаа.

Их Британийн “Global banking & finance review” буюу “Олон улсын банк санхүүгийн тойм” байгууллагаас жил бүр шалгаруулдаг дэлхийн банк, санхүүгийн салбарын шилдгүүд тодорч, Худалдаа, хөгжлийн банк 2016 оны “Монгол улсын шилдэг арилжааны банк”-аар 5 дахь жилдээ дахин шалгарлаа.  

Азийн санхүүгийн мэдээллийг мэргэжлийн түвшинд дэлхий даяар түгээдэг Finance Asia сэтгүүлээс Худалдаа, хөгжлийн банкны 2015 онд олон улсын зах зээлд арилжаалсан дунд хугацаат 500 сая ам.долларын бондыг “Азийн шилдэг корпорацийн бонд”-оор шалгарууллаа.

Азийн банк санхүүгийн салбарын шилдгүүдийг өргөмжилдөг “Euromoney Awards for Excellence Asia 2015” шагнал гардуулах ёслолын үйл ажиллагаа 24 дэх жилдээ зохион байгуулагдлаа.

Дэлхийн эдийн засгийн форумаас зохион байгуулдаг “Зуны Давос” нэрээр алдаршсан “Шинэ манлайлагчдын чуулга уулзалт” БНХАУ-ын Далиан хотноо 9-р сарын 9-нөөс 11-ний өдрүүдэд зохион байгуулагдаж, 90 гаруй орны төр засаг, бизнес, хэвлэл мэдээллийн 1500 гаруй төлөөлөгчид, 160 салбар хуралдаанаар инноваци, шинжлэх ухаан болон технологиийн хөгжил түүний эдийн засгийн өсөлтөд үзүүлэх нөлөөлөл, тулгарч буй асуудлууд, даван туулах шийдлийн талаар хэлэлцлээ.

Дэлхий дахинд үнэлэгдсэн томоохон шагналууд үргэлжилсээр Худалдаа, хөгжлийн банк “Монгол улсын худалдааны санхүүжилтийн шилдэг банк”-аар 5 дахь жилдээ шалгарч, 2015 оны 9-р сарын 9-ний өдөр шагналаа гардан авлаа.