Солонгос улсад сурч, ажиллаж, амьдарч буй болон Солонгос улсыг зорьж буй Монгол иргэддээ, тэдний ар гэрийнхэнд банкны үйлчилгээг ойртуулж, санхүүгийн хэрэгцээг нь найдвартай, түргэн шуурхай хүргэхийн зэрэгцээ эх орондоо өндөр хүүтэй хадгаламжинд мөнгө хуримтлуулах боломжийг бий болгодог Худалдаа, хөгжлийн банк (ХХБ), БНСУ-ын KEB HANA банк, PayOne компани хамтарсан Солонгосоос Монгол руу мөнгө гуйвуулах "Pay Easy" үйлчилгээг та бүхэнд санал болгож байна.
 

Та энэхүү үйлчилгээнд хамрагдахын тулд ХХБ болон БНСУ-ын KEB HANA банканд данстай байх шаардлагатай.

Давуу тал:

• Шимтгэл хамгийн хямд - дүн харгалзахгүй 4500 WON;
• Ханшийн хөнгөлөлт - 3-5 WON; (Pay Easy үйлчилгээ USD-аар шилжүүлдэг ба WON-аас USD руу хөрвөх ханшинд үзүүлдэг хөнгөлөлт)
• Ажлын 1-2 цагийн дотор гүйлгээ хийгдэнэ;
• Гуйвуулга хийхэд хялбар. (Монгол хэлээр)

Гүйлгээний хязгаар

Гуйвуулга хийх арга:

Та Pay Easy үйлчилгээ ашигласнаар Монгол руу мөнгө шилжүүлэхийн тулд заавал банканд очих шаардлагагүйгээр доорх гуйвуулгын аргуудыг эх хэлээрээ ашиглан гүйлгээ хийх боломжтой.

• АТМ – KEB Hana bank;
• Телефон банк – Суурин болон бүх төрлийн гар утаснаас;
• Гар утасны аппликейшн – Ухаалаг утаснаас;
• Интернет банк – Өөрийн компьютераас.

• ХХБанканд данстай бол тухайн дансаа ашиглаж болно. Дансгүй бол өөрт ойр салбарт хандан данс нээлгэх;
• Та олон жилийн хугацаагаар гадаадад амьдрах тул дансны үлдэгдлээ харах, гүйлгээ хийх хэрэгцээ гарах учраас TDB Online үйлчилгээг заавал нээлгээрэй.
• Pay Easy үйлчилгээнд ХХБанкны 5-н данс бүртгүүлэх боломжтой тул ойр дотныхоо хүмүүстээ данс нээлгэхийг зөвлөөрэй;
• Солонгост очсоны дараа KEB Hana банканд данс нээлгэж, ХХБанканд нээлгэсэн дансаа Pay Easy үйлчилгээнд бүртгүүлнэ. (Хөдөлмөрийн гэрээгээр явж буй иргэд болон очих хаяг нь тодорхой иргэд Pay Easy үйлчилгээнд бүртгүүлэх хүсэлтийг Монголд өгөх боломжтой)

Хэрхэн мөнгө хуримтлуулах вэ?

Та Солонгост ажиллах хугацаандаа өөрийн, эсвэл гэр бүлийн гишүүний хугацаатай хадгаламжийн дансруу Pay Easy үйлчилгээгээр тогтмол сар бүр 1 сая төгрөг шилжүүлэхэд (хадгаламжийн жилийн хүүг 8.8% гэж тооцвол) 3-н жилийн дараа 43.9 сая төгрөг, 5-н жилийн дараа 84-н сая төгрөгийн хуримтлалтай болсон байна.

Сар бүр тогтмол өөрийн цалингаасаа мөнгө хуримтлуулж ирээдүйд өөрийн орон сууц, жижиг бизнестэй болох боломжтой бөгөөд  Мөнгө хуримтлуулах тооцоолол хийж үзэхийг хүсвэл ЭНД дарна уу.

• Солонгост байгаа иргэд ХХБанкны дансыг онлайнаар нээлгэх боломжтой. ХХБанкны данс онлайнаар нээлгэх бол ЭНД дарна уу.
  Энэхүү онлайнаар нээгдсэн данс нь хуримтлалын зорилготой нээгдэх тул Солонгост байх хугацаанд мөнгө авах боломжгүй ХХБанканд биеэр ирж дансаа баталгаажуулснаар мөнгө авах боломжтойг анхаарна уу.
• KEB Hana банкны өөрт ойр салбар эсвэл Монгол ажилтантай Монгол тауны хойно байрлах салбарт гадаад паспорт эсвэл гадаад иргэний үнэмлэхтэйгээ очиж данс нээлгэж, онлайнаар нээсэн ХХБанкны дансаа Pay Easy үйлчилгээнд бүртгүүлнэ.