Худалдаа, хөгжлийн банк нь өөрийн явуулж буй үйл ажиллагаанд хамаарах хууль тогтоомж, дүрэм, журам, ёс зүйн хэм хэмжээг дагаж мөрдөх замаар банкны салбарт тэргүүлэгч нэр хүндээ хадгалсаар ирсэн.
Худалдаа, хөгжлийн банк нь өөрийн явуулж буй үйл ажиллагаанд хамаарах хууль тогтоомж, дүрэм, журам, ёс зүйн хэм хэмжээг дагаж мөрдөх замаар банкны салбарт тэргүүлэгч нэр хүндээ хадгалсаар ирсэн.
Худалдаа, хөгжлийн банк нь өөрийн үйл ажиллагаа мөнгө угаах болон терроризмыг санхүүжүүлэх санхүүгийн гэмт хэрэгт өртөх эрсдэлээс сэргийлэх хүрээнд Мөнгө угаах болон терроризмыг санхүүжүүлэхтэй тэмцэх бодлого, журам, холбогдох хөтөлбөрийг хэрэгжүүлж ажилладаг.
Хууль тогтоомж, дүрэм, журамд нийцсэн үйл ажиллагааг тогтвортой явуулах нь Худалдаа, хөгжлийн банкны нэн тэргүүний зорилгуудын нэг үргэлж байсаар ирсэн. Банк нь харилцагчийг таньж мэдэх ажиллагаа болон гүйлгээний тусгайлсан хяналтыг үр дүнтэй хэрэгжүүлснээр санхүүгийн системийг мөнгө угаах, терроризмыг санхүүжүүлэх болон бусад санхүүгийн гэмт хэрэгт өртөх эрсдэлийг бууруулж, цаашлаад нийгмийн болон харилцагчийнхаа мөнгө угаах болон терроризмыг санхүүжүүлэх эрсдэлээс урьдчилан сэргийлэх нөхцөлийг бүрдүүлэхэд чухал хувь нэмэр оруулж байна гэж үздэг.
Банк нэг талаас харилцагчийнхаа гадаад гүйлгээг түргэн шуурхай дамжуулах, үйлчилгээгээ олон улсын жишигт нийцүүлэн харилцагчид хүргэх, нөгөө талд гадаадын банк санхүүгийн байгууллагатай хамтарч ажиллах, гадаад банкны оршин буй улсын хууль тогтоомжийг дагаж мөрдөх, банкуудын дотоодын мөнгө угаах болон терроризмыг санхүүжүүлэхтэй тэмцэх (МУТСТ) болон Харилцагч таньж мэдэх ажиллагааны бодлогыг дагаж мөрдөх үүргийг хүлээсэн байдаг билээ.
Банкны ажилтан бүр холбогдох хууль тогтоомж, дүрэм журам болон стандарт, хэм хэмжээг дагаж мөрдөн ажиллахыг зорьдог ба банкны удирдлагууд нь эрх зүйн нийцлийг хангах тал дээр анхаарал хандуулж, давхар хариуцлагыг хүлээж байдаг.
Худалдаа, хөгжлийн банкны эрх бүхий байгууллага болох Төлөөлөн удирдах зөвлөл нь мөнгө угаах болон терроризмыг санхүүжүүлэхтэй тэмцэх ажилтай холбоотойгоор комплайнсын эрсдэлийг удирдах ажилд дэмжлэг үзүүлдэг ба бизнес, эрсдэл хариуцсан бусад нэгжүүдийн удирдлагууд нь өөрийн хариуцсан нэгжийн үйл ажиллагаанд хамаарах комплайнсын эрсдэлийн удирдлагыг хэрэгжүүлэх ажлыг хариуцан ажилладаг. Мэргэжлийн тусгайлсан нэгж болох Комплайнсын хэлтэс нь банкны комплайнсын бодлого болон комплайнсын эрсдэлийн удирдлагыг хэрэгжүүлэх ажлыг ерөнхийд нь хариуцан ажиллаж байна.
Худалдаа, хөгжлийн банк нь банкны газар, хэлтэс, нэгжүүдийг үр дүнтэй комплайнсын эрсдэлийн удирдлагыг хэрэгжүүлэхэд нь туслах зорилгоор банкны комплайнсын бодлогыг олон улсын комплайнсын удирдлагын системийн ISO 37301:2021 (ISO 37301:2021(en), Compliance management systems — Requirements with guidance for use) стандартад нийцүүлэн, Төлөөлөн удирдах зөвлөлөөр хэлэлцүүлэн, батлуулсан байдаг. Банкны комплайнсын бодлогыг Төлөөлөн удирдах зөвлөлийн хэмжээнд хэлэлцэж, баталж буй нь комплайнсын үйл ажиллагаанд банкны дээд удирдлагын хэмжээнд анхаарал хандуулдгийг харуулж буй юм.
Бодлого, журамд комплайнсын эрсдэл болон Төлөөлөн удирдах зөвлөл, Гүйцэтгэх удирдлага, газар, хэлтсүүд, ажилтнууд болон комплайнсын мэргэжилтнүүдийн комплайнсын эрсдэлийг удирдахад оролцох үүрэг, оролцоог нарийвчлан тодорхойлж, тусгаж өгсөн байдаг.
Энэхүү бодлого, журам нь Монгол Улсын Мөнгө угаах болон терроризмыг санхүүжүүлэхтэй тэмцэх хууль, Үй олноор хөнөөх зэвсэг дэлгэрүүлэх болон терроризмтой тэмцэх тухай хууль, Монголбанкны Мөнгө угаах болон терроризмыг санхүүжүүлэхээс урьдчилан сэргийлэх журам, Мөнгө угаахтай тэмцэх санхүүгийн арга хэмжээ авах байгууллага буюу Financial Action Task Force (FATF)-ийн зөвлөмж болон Америкийн Нэгдсэн улс болон Европын холбооны стандартуудтай нийцсэн байдаг. Энд дарна уу
USA Patriot Act
Банк нь USA Patriot Act-ийг дагаж мөрддөг ба энэхүү акт нь АНУ болон дэлхийн өнцөг булан бүрд террорист үйлдлийг таслан зогсоох, шийтгэх, хууль сахиулах байгууллагын мөрдөн байцаах хэрэгслийг сайжруулах болон бусад зорилгоор хэрэгжүүлдэг акт юм. Энд дарна уу
Wolfsberg Questionnaire
Вольфсберг групп нь дэлхийн арван гурван банкны нэгдэл бөгөөд санхүүгийн гэмт хэргийн эрсдэлийн менежментийн тогтолцоо, удирдамжийг боловсруулах, тэр дундаа харилцагчаа таних, мөнгө угаах, терроризмыг санхүүжүүлэхтэй тэмцэх бодлогыг боловсруулахад чиглэдэг.
Доорх линк дээр даран та бүхэн банкны Волфсберг группийн Корреспондент (хамтын ажиллагаатай) банкны асуулгатай танилцах боломжтой ба асуулгаас банкны Мөнгө угаах болон терроризмыг санхүүжүүлэхтэй тэмцэх хөтөлбөрийн талаар ерөнхий мэдээлэлтэй танилцах боломжтой. Энд дарна уу
W-8BEN-E FORM
FATCA буюу АНУ-ын иргэн, хуулийн этгээдийн гадаад дахь дансны талаар мэдээллийг Холбооны татварын төв байгууллагад саадгүй гаргаж өгөх тухай хууль эрх зүйн баримт бичгийг банк, санхүүгийн байгууллагууд дагаж, мөрдөх үүрэгтэй байдаг бөгөөд ХХБ нь уг FATCA-г хэрэгжүүлж ажилладаг, мэдээлэл хүргүүлдэг гаднын банк, санхүүгийн байгууллага юм. Энд дарна уу
Хууль бус хөрөнгийн шилжилт хөдөлгөөн нь улс орны санхүүгийн зах зээлийн тогтвортой байдалд заналхийлж, Монгол улсын иргэн, аж ахуйн нэгжүүдийг олон улсын түвшинд хүрч ажиллах чадварт сөргөөр нөлөөлдөг.
Мөнгө угаах болон терроризмыг санхүүжүүлэх гэмт хэрэг нь олон улсын зүгээс онцгой анхаарал хандуулдаг асуудал болсон тул улс орны хэмжээнд дээрх гэмт хэргүүдтэй тэмцэхийн тулд хууль тогтоомжийг баталж хэрэгжүүлээд зогсохгүй, санхүүгийн системийг мөнгө угаах болон терроризмыг санхүүжүүлэх үйл ажиллагаанд өртөхөөс урьдчилан сэргийлэх үйл ажиллагааг авч хэрэгжүүлэх зайлшгүй шаардлагатай байдаг.
Санхүүгийн гэмт хэргүүдийн хувьд нийгэмд бүхэлд нь нөлөөлж чадахуйц байдаг тул гэмт хэргээс сэргийлэх болон шаардлагатай хяналтыг хэрэгжүүлэх ажлыг банк, санхүүгийн байгууллага дангаараа хийх боломжгүй. Иймд, банк нь мөнгө угаах болон терроризмыг санхүүжүүлэх гэмт гэмт хэргийг илрүүлэх, тэмцэх хүрээнд бусад дотоодын болоод олон улсын банк, санхүүгийн байгууллага, хууль хэрэгжүүлэгч, хууль сахиулах эрх бүхий байгууллагуудтай хамтран ажиллаж байна.
Банк харилцагчаас ямар мэдээлэл гаргуулан авдаг вэ?
Найдвартай бөгөөд стандартад нийцсэн банк болох эхний алхам нь харилцагчийг таньж мэдэх ажиллагаа юм. Бид албан ёсны баримт бичиг, холбогдох хянан баталгаажуулалтын хүрээнд найдвартай, итгэлтэй гэж баталгаажсан иргэн болон хуулийн этгээдэд үйлчилгээ үзүүлж, хамтран ажилладаг.
Харилцагчийг таньж мэдэх ажиллагаанд тухайн харилцагчийг болон харилцагчийн гүйлгээг олон улсын хориг жагсаалтаас шүүх, харилцагчийн мэдээллийг шинэчлэх, харилцагчаас нэмэлт тодруулга, харилцагчийн үйлдэл, гүйлгээтэй холбоотой баримт, материалыг авахаас гадна холбогдох хууль тогтоомжид заасны дагуу гүйлгээг тусгайлан хянах, хуульд заасан бусад үүргийг хэрэгжүүлэх зэрэг хамаарна.
Иргэнээс:
Хуулийн этгээдээс:
Олон улсын банкууд, тэдгээрийн зохицуулагч байгууллагуудын хяналт чанга, тавьж буй шаардлага өндөр байдаг. Банкны үйл ажиллагаа нь банк, харилцагчаас цаашлаад улс орны гадаад харилцаа, эдийн засаг, олон улсын худалдаа, хамтын ажиллагаа, хөрөнгө оруулалтад ихээр нөлөөлж байдаг юм. Иймд банк нь харилцагч болон хамтын ажиллагаат банкуудын өмнө хүлээсэн үүргээ биелүүлэхийн тулд харилцагчид болон харилцагчийн гүйлгээнд тодорхой шаардлагуудыг тавьж ажиллаж байгааг харилцагч та ойлгон хүлээн авч, хамтран ажиллана гэдэгт итгэж байна.
Банк яагаад харилцагчийн гүйлгээнд хяналт тавьж, гүйлгээтэй холбоотой мэдээллийг шаарддаг вэ?
Манай банкны болон хүлээн авагч банкны харилцагчийн гүйлгээг дамжуулж өгч буй банканд хоёр талын харилцагчийн алиных нь ч талаар мэдээлэл байхгүй тул дамжуулагч банкуудийн зүгээс төлбөрийн зориулалтыг тодорхой бичих, төлбөр шилжүүлэгч, хүлээн авагчийн мэдээллийг бүрэн дэлгэрэнгүй байхыг шаарддаг бөгөөд мэдээллүүд буруу, дутуу, ойлгомжгүй байх тохиолдолд төлбөрийн утга зориулалтыг тодруулах, шилжүүлэгч болон хүлээн авагчийн талаар мэдээлэл авах зорилгоор гүйлгээг саатуулах, буцаах цаашлаад тусгаарлах, хураах хүртэл арга хэмжээг авч ажилладаг.
Гадаад гүйлгээнд тавих хяналт:
Харилцагч таны шилжүүлж буй гадаад гүйлгээ нь олон “Дамжуулагч банк”-ны хяналтын дор олон улсын төлбөр тооцооны системээр дамжин хийгддэг. Дамжуулж буй банк бүр өөрийн МУТС-тэй тэмцэх хөтөлбөртэй ба тус хөтөлбөрийнхөө дагуу хяналтыг хэрэгжүүлж ажилладаг. Мөн тухайн гүйлгээг дамжуулж буй банк нь FAFT-ийн 15-р зөвлөмжийн дагуу манай банкийг илгээж буй гүйлгээндээ шилжүүлэгч, хүлээн авагчийн мэдээлэл болон бусад шаардлагатай мэдээллийг агуулсан байхыг шаарддаг билээ. Энэхүү шаардлагыг хангаагүй тохиолдолд “Дамжуулагч банк”-ны зүгээс гүйлгээг дамжуулахаас татгалзах бүрэн эрхтэй байдаг. Иймд, корреспондент банктай байгуулсан гэрээний нөхцөлийг биелүүлэх, цаашид харилцагчийнхаа төлбөр тооцоог саадгүй дамжуулах нөхцөлийг дэмжих хүрээнд банк нь гарч буй гадаад гүйлгээнд тодорхой хяналтуудыг тавьж ажилладаг.
Санхүүгийн гэмт хэрэг гэж юу вэ?
Санхүүгийн гэмт хэрэг гэдэг нь өмчийн эсрэг тусгайлан үйлдсэн гэмт хэргийг хэлнэ. Энэ төрлийн гэмт хэргүүд үргэлж гэмт хэрэгтний хувийн ашиг сонирхлын үүднээс үйлдэгддэг бөгөөд үүнд холбогдсон эд хөрөнгийн өмчлөх эрхийг хууль бусаар хөрвүүлэх явдал юм. Санхүүгийн гэмт хэрэг нь олон хэлбэрээр үйлдэгдэж болдог. Санхүүгийн салбарт тулгардаг хамгийн нийтлэг гэмт хэргүүдийн зарим нь мөнгө угаах, терроризмыг санхүүжүүлэх, олон улсын хориг арга хэмжээг зөрчих, авлига, хээл хахууль, залилан мэхлэх, татвараас зайлсхийх, бусдын эд хөрөнгийг завших, хуурамчаар үйлдэх, хулгайлах гэх мэт гэмт хэргүүд юм.
Мөнгө угаах гэж юу вэ?
Гэмт хэрэг үйлдэж олсон хөрөнгө, мөнгө, орлого гэдгийг мэдсээр байж түүнийг авсан, эзэмшсэн, ашигласныг, эсхүл түүний хууль бус эх үүсвэрийг нь нуун далдлах, эсхүл бодит шинж чанар, эх үүсвэр, байршил, захиран зарцуулах арга, эзэмшигч, эд хөрөнгийн эрхийг нуун далдалсныг ойлгоно.
Терроризмыг санхүүжүүлэх гэж юу вэ?
Террорист этгээд, террорист үйлдэл, үйл ажиллагаанд зарцуулагдахад шууд болон шууд бусаар эд хөрөнгө хуримтлуулсан, өөрчилсөн, шилжүүлсэн, зарцуулсныг ойлгоно.
Үй олноор хөнөөх зэвсэг дэлгэрүүлэхийг санхүүжүүлэх гэж юу вэ?
Мөнгө угаах болон терроризмыг санхүүжүүлэхтэй тэмцэх үйл ажиллагаанд үй олноор хөнөөх зэвсэг дэлгэрүүлэх үйл ажиллагаа нэмэгдэж орж ирсэн бөгөөд эдгээр гэмт хэргүүдтэй тэмцэх нь мэдээлэх үүрэгтэй этгээдийн чухал үүргүүдийн нэг болоод байна.
Үй олноор хөнөөх зэвсэг дэлгэрүүлэхийг санхүүжүүлэх гэдэг нь Монгол Улсын хууль тогтоомж, олон улсын гэрээгээр хориглосон цөмийн, химийн, биологийн эсвэл үйл олноор хөнөөх бүх төрлийн зэвсгийг үйлдвэрлэх, ашиглах, худалдах, худалдан авахад санхүүгийн дэмжлэг үзүүлэхийг хэлнэ. Үй олноор хөнөөх зэвсэг дэлгэрүүлэхийг санхүүжүүлэх нь олон улсын энх тайван, аюулгүй байдал, хүний амь нас, амьдрах орчинд асар их хохирол учруулдаг учраас энэ төрлийн гэмт хэргийг санхүүжүүлж болзошгүй мөнгөн хөрөнгийн шилжилт хөдөлгөөнийг илрүүлж, таслан зогсоох нь банкны хувьд маш чухал юм.п
Гэмт хэргийн хохирогч болохоос сэргийлэх зөвлөмжүүд:
Мэдээллийн аюулгүй байдлаа хэрхэн хангах талаар зөвлөмжүүд:
Гадаад шилжүүлэг хийх талаар зөвлөмж:
Харилцагч та гүйлгээг шилжүүлэхдээ дараах зүйлсийг анхаарснаар гүйлгээ саатах, зогсоогдох, буцаагдах зэрэг эрсдэлийг бууруулах боломжтой. Үүнд:
Харилцагч мэдээллээ шинэчлээгүйгээс үүсэх эрсдэлийн зөвлөмж:
Эрхэм харилцагч таньд тохирсон банкны үйлчилгээг тасралтгүй, түргэн шуурхай хүргэх, болзошгүй эрсдэлээс урьдчилан сэргийлж, хамгаалахад мэдээлэл шинэчлэлийн гол зорилго оршдог билээ. Харилцагч та мэдээллээ шинэчлээгүй, мэдээлэл хуучирсны улмаас дараах эрсдэл, асуудлууд үүсдэг. Үүнд:
Энд дарна уу
Цахим гэмт хэргээс урьдчилан сэргийлэх зөвлөмж:
Дэлхий дахинд шинэ технологи үсрэнгүй хөгжиж, түүний хэрэглээний цар хүрээ нэмэгдэхийн хэрээр цахим орчинд хийгдэх залилан, хууль бус үйл ажиллагаа, гэмт хэргийн шинж чанартай үйлдэл их гарах болсон.
