|
Алтны арилжаа Худалдаа, хөгжлийн банк алт олборлогч аж ахуйн нэгжүүдтэй нягт хамтын ажиллагаатай байдаг бөгөөд тэдгээрт зээл олгох, алтны тооцоо ба гадаад төлбөр тооцоог нь түргэн шуурхай гүйцэтгэхэд байнга анхаарал тавьж ажилладаг юм. Худалдаа, хөгжлийн банк нь 2000 оноос эхлэн алт олборлогч аж ахуйн нэгжүүдээс алт худалдан авч эхэлсэн бөгөөд энэ тал дээр тодорхой хэмжээний дадлага, туршлага хуримтлуулсан билээ. Мөн манай банк алт олборлогч аж ахуйн нэгж байгууллагуудад алтаа худалдах үед нь шуурхай, соёлтой үйлчилж сүүлийн үеийн зах зээлийн мэдээ, мэдээллээр хангах бөгөөд алтаа барьцаалан зээл авах, опшин хэлбэрээр арилжаа хийх зэрэг боломжуудыг санал болгож байна.
Та манай банкинд алтаа худалдснаар дараах боломжийг бид Танд олгоно.
Таны харилцах данс аль банкинд байршдагаас үл хамааран бид Таны алтны үнийг тэр дор нь түргэн шуурхай шилжүүлэх бөгөөд сүүлийн үеийн зах зээлийн мэдээллийг авах боломжтой юм.
- Манай банк долоо хоног бүрийн эхэнд өмнөх долоо хоногийн алтны үнийн хөдөлгөөн, үнэ өөрчлөгдсөн шалтгаан, үнэт металлын зах зээлийн үнэ ханшийн ирээдүйн хандлага, алтны ханшийн график зэргийг багтаасан мэдээллийг харилцагчиддаа хүргүүлдэг.
- Та сорьц нь гараагүй байгаа алтаа барьцаалан өөрийн алтны баримжаа үнийн 80 хүртэл хувьтай тэнцүү хэмжээний зээл авах боломжтой.
- Хэрэв Та зээл аваад тэр өдөртөө сорьцын актаа авчирч, алтаа худалдах хэлцэл хийвэл банк зээлийн хүү тооцохгүй.
- Харин Та зээл авсан боловч тэр өдөртөө хэлцлээ хийгээгүй тохиолдолд банк хүү тооцох бөгөөд хүү нь 2.0% байх болно.
- Танд олон улсын практикт түгээмэл ашиглагддаг санхүүгийн хэрэгсэл болох опшинг санал болгож байна. Та манай банкнаас худалдах эрхийн буюу put опшин худалдан авснаар ирээдүйд учирч болзошгүй үнэ унах эрсдлээс урьдчилан сэргийлж, ашиг орлогоо баталгаажуулах боломжтой болж байна.
- Бид алт олборлогч аж ахуйн нэгжүүдтэй гэрээ байгуулсаны үндсэн дээр алт худалдан авдаг бөгөөд энэ нь Таны алтны орлогыг аливаа хөндлөнгийн этгээд завшихаас найдвартай хамгаалах эрх зүйн үндэс болж, Таны эрх ашгийг хамгаалах болно.
Холбоо барих, банкны бүтээгдэхүүн, үйлчилгээний талаар дэлгэрэнгүй мэдээллийг авахыг хүсвэл:
2013-03-27
|
ШИНЭ МЭДЭЭ МЭДЭЭЛЭЛ |
 |
Монгол улс дахь худалдаа, түүхий эдийн санхүүжилтийн өнөөгийн байдал, тулгамдсан асуудал, түүнийг сайжруулах талаар төрийн болон хувийн хэвшлийн байгууллагууд хамтран хэлэлцсэн олон улсын бага хурлыг GTR (Global Trade Review), Exporta групп 5-р сарын 14-ний өдөр зохион байгууллаа. |
|
Дэлхий даяар 79 сая карт эзэмшигчтэй, өргөн сүлжээ бүхий JCB картыг 1994 оноос Худалдаа, хөгжлийн банк төлбөрт хүлээн авах үйл ажиллагааг эхлүүлсэн юм. |
 |
Хүүхдийн тань хүсэл мөрөөдөлд хүч нэмэх хүүхдийн хадгаламжийн Бэлэгтэй өдрүүд 5-р сарын 20-ноос эхлэж байна. |
|
Монгол улсын Ерөнхийлөгчийн ивээл дор долоо дахь жилдээ зохион байгуулж буй “Дуулиан-2020” тэмцээний Ивээн тэтгэгчдийн тоглолт ширүүн өрсөлдөөн дунд үргэлжилж, өчигдөр Аваргын алтан цомыг Худалдаа, хөгжлийн банкны баг хүртлээ. |
|
